رسالة صوتية من أبو تورتة لخطيبته نهال بعد هروبه ..القلم بتاعي خلاكي لفّيتي حوالين نفسك استمع الى المكالمة

رسالة صوتية من أبو تورتة لخطيبته نهال بعد هروبه ..القلم بتاعي خلاكي لفّيتي حوالين نفسك استمع الى المكالمة

    https://alnahdanews.com/uploads/images/2019/10/920x460-8zas6.jpeg?f=1



    رسالة صوتية من أبو تورتة لخطيبته نهال بعد هروبه القلم بتاعي خلاكي لفّيتي حوالين نفسك| استمع الى المكالمة


    حصلنا، على رسالة صوتية أرسلها الشاب مصطفى أحمد، والمعروف إعلاميًا بـ"مصطفى أبو تورتة"، إلي خطيبته السابقة "نهال شعبان" بعد يوم حفل "الخطوبة" معلقًا علي ما فعله في الحفل من تركها في قاعة الحفلات بمفردها دون إتمام الخِطبة.


    وقال مصطفى في رسالته الصوتية التي أرسلها لخطيبته السابقة: "أنا عاذرك والله في اللي أنتٍ بتعمليه ده، وحقك تعملي أكتر من كده بس بدل من إنك تفكري في اليوم واللي حصل فيه، كنت فكري في أفعالك قبل كده والكلام اللي قولتهولك وأكدت عليكي كذا مرة وقولتلك حافظي عليّ ماتضيعنيش من إيديكي مفهمتيش حقك تعملي اللي أنتِ شايفاه واللي انتي بتعمليه ده كله معنديش أي مشكلة إنتِ عملتي مفاجأت كتير واستغفلتيني كتير بس اللي أنا نسيت أقولك عليه إن أنا القلم بتاعي قلم غبي بِيسْور وبيخلي الواحد يلف حوالين نفسه".

    وتصدر هاشتاج "مصطفى أبو تورتة" تريندات السوشيال ميديا بمختلف أنواعها، بعدما نشرت خطيبته السابقة "نهال شعبان" قصة خطيبها الذي تركها فجأة هو وأسرته فى قاعة الحفلات بمفردها دون إتمام الخِطبة زاعمًا أن خاله مريض، مصطحبًا "التورتة والشبكة".



    وعلي الجانب الآخر، أوضحت نهال شعبان خطيبة الشاب مصطفي السابقة، في تصريحٍ خاص لـ"أهل مصر"، أن اليوم التالي من الخِطبة كان بالنسبة لها "يوم المفاجآت" حيث اكتشفت فيه كل شئ فعله خطيبها مصطفى، حيث كان لا يعلم أحد من أهالي المنطقة أو أصدقاؤه شيئًا عما فعله حيث أخبر أصدقائه بأن الأمور مرت بشكل طبيعي ومرت الليلة بسلام دون أي مشكلات، وقام بالتمثيل أيضًا مرة أخرى عليهم، قائلة: "قال لصحابه بالمنطقة تاني يوم أنا ملاحظ حاجة غريبة واحتمال أفركش الخطوبة، مضيفة: "إيه الحاجة الغريبة اللي بيتكلم عليها؟ ده اللي أنا مش عارفاها لحد دلوقتي".

    وأضافت "نهال"، أنها فوجئت به أيضًا أرسل إليها رسالة صوتية عبر "الواتس آب" بصوته يقول فيها: "أنا عاذرك في كل اللي بتعمليه ومقدر بس بدل ما تركزي في اليوم واللي حصل والتفاصيل ركزي في اللي عملتيه قبل كده"، وعلقت قائلة: "طاب إيه اللي أنا عملته إنت عايز خطوبة ببلاش! إنت من البداية لما بتقرر إنك تدخل بيت ناس لو مش قدها خلاص مالوش لازمة من الأول، كمان كل حاجة تمت كانت بالاشتراك والمساهمة بينا وبين بعض سواء مصاريف الخطوبة بالقاعة وجميع التكاليف كانت النُص بالنُص".

    وتابعت: أنه أرسل إليها بعد ذلك رسالة صوتية أخري قال فيها: مفاجئتي بكل مفاجآتك وإن أنا نسيت أقولك إن قلمي بيسور"، متابعة: "أنا مش عارفة قلم إيه! إن أنا كنت بعامله بما يرضي الله ورعيت ربنا فيه وكنت بدافع عنه في كل حاجة وكنت بكلم والدتي وأهلي دايمًا إننا نصبر عليه وعلى ظروفه!".

    إرسال تعليق

    ----------